"Rusiya-Ukrayna danışıqlarının tezliklə bərpasının tərəfdarıyıq" - Ərdoğan
"Rusiya-Ukrayna danışıqlarının tezliklə bərpasının tərəfdarıyıq" - Ərdoğan
Türkiyə münaqişəyə son qoymaq üçün Rusiya və Ukrayna arasında danışıqların tezliklə bərpasının tərəfdarıdır.
Xəbər verilir ki, bunu Türkiyə Prezidenti Rəcəb Tayyib Ərdoğan İstanbulda NATO-nun baş katibi Yens Stoltenberqlə görüşündə deyib.
"Biz Rusiya ilə Ukrayna arasında qarşıdurmaya tez bir zamanda son qoymaq və münaqişənin ədalətli həllinə imkan yaratmaq üçün danışıqlar masasına qayıtmağı zəruri hesab edirik", - Türkiyə dövlət başçısı vurğulayıb.
Ərdoğan bildirib ki, Türkiyə Rusiya və Ukrayna ilə yüksək səviyyəli danışıqlar zamanı əsas diqqəti noyabrın 19-da başa çatacaq taxıl müqaviləsinin uzadılmasına yönəldəcək.
Azadsoz.com
